Porto Montenegro je zlatni sponzor Internacionalnog Vaterpolo kampa, koji organiziraju crnogorski reprezentativci Vjekoslav Pasković i Damjan Danilović – svečano otvaranje istog zakazano je za 22. 7. na bazenu Jahting kluba Porto Montenegro, s početkom u 19:30h.

„Ovo je druga godina da realizujemo ovaj kamp – stižu nam polaznici iz Italije, Njemačke, Francuske, SAD-a i Španije. Kamp za vaterpolo je mjesto gdje možete naučiti kako postati sportista i prvak, i na bazenu i kroz kreativne sportsko-zabavne radionice“, ističe nekadašnji crnogorski reprezentativac i vaterpolista Damjan Danilovic.

Zajedno s koordinatorima kampa i iskusnim timom trenera, sudionici će imati priliku trenirati, igrati i naučiti sve o vaterpolu, i sportu kao načinu života, ističe vaterpolista i Olimpijac Vjekoslav Pasković.

Kamp program je namijenjen dječacima i djevojčicama, od 9 do 15 godina. Drugo  izdanje MWPC održava se u Tivtu od 22 do 28. 7., i od 5. do 11. 8..