NVO Harlekin obavještava zainteresiranu  javnost da će se TRADICIONALNI KRNEVAO LASTOVSKI ove godine, u skladu s tradicionalnim kalendarom, održati u nedjelju 19.2.2023.

„Toga dana, karnevalska povorka će u 14.00 krenuti iz VII kvarta u Donjoj Lastvi u pratnji dvije bleh muzike, mažoretki i trobonjera, i kretat će se  Jadranskom magistralom do ulice Ruljina. Na tom mjestu će krenuti prema lastovskoj rivi, nakon čega će se uputiti u pravcu crkve Sv. Roka, gdje će se održati suđenje Krnevalu,  a spaljivanje ovog krivca će se održati na mulu u Donjoj Lastvi. Odmah nakon čina spaljivanja i slavlja koje će se dogoditi njegovim nestankom, pozivamo sve učesnike na maskenbal. Za tu priliku, najavljujemo posebna iznenađenja, i dodjele bogatih nagrada najboljim grupnim i pojedinačnim maskama.

Potvrđujemo saznanje da ove godine možemo računati sa veoma velikim interesovanjem maskiranih grupa i pojedinaca, pa zbog toga molimo sve zainteresovane da izvrše registraciju masku na punktu u VII kvartu, koji će biti otvoren od 13.00.

Računajući na povoljne vremenske prognoze i sreću koju tradicionalno imamo na dan održavanja karnevala, pozivamo vas da provedete prijatno i zabavno poslijepodne sa nama u Donjoj Lastvi“ – najavljuju oreganizatori.